တၛဲဍဳင္မန္ဟံသာဝတ႘လီု

သကၠရာဇ္ဍဳင္ ၁၃၇၃ သှာံ၊ ဂိတုပသာ္ (၈)ေစြက္ဏအ္ဂွ္ ဒွ္တၛဲဍဳင္မန္ဟံသာဝတ႘လီုရ။ ဍဳင္မန္ပ႙ု လီု၊ တိဍာ္ျဒပ္ရတ္ပ႙ု ေလင္ေဆာံ၊ ဘဝမန္ပ႙ု ဒွ္အာဘဝဍိက္ဂွ္ ေပင္ကၜဳင္ (၂၅၄) သှာံရသြံ။ ပေရင္ဏအ္ဂွ္



ဂကူမန္ဗြဲမဂၜိဳင္ ခ်ပ္ဂြံကီုေရာင္ ေစွ္စိုတ္ရ။ ပြိဳင္အခိင္သှာံ ၐိုတ္ဏအ္ဂွ္ ေတဿာ္ကႝုဝင္မၢး ဂၜိင္ေသၛာဲေကြံေကြံ ဟြံေသင္။ ဆဂး ကေလင္ရံင္အာ ဘဝဂကူမန္ပ႙ုမၢး ဒှာဲလၛဳႝ ေကၜံကၜက္ဗၜိဳက္တှီေစွ္အာ ဗြဲမဂၜိဳင္တုဲ ေထက္ကႝုဒးဒွ္ဓဝိင္ေရာင္။ ၐိုန္ဂွ္ေလဝ္ ယဝ္ဂကူမန္ပ႙ု သတိႏြံ၊ သတၱိႏြံ၊ ဇဲဝိရိယႏြံ၊ စိုတ္ဆာန္ဂကူ ဗိုန္ဗတ္မံင္မၢး ကေလင္ ဗၜးၐးမာန္မံင္ဏီေရာင္။ ဂကူေအႆေရဝ္ (ဂ်ဴ) တအ္ဂွ္ ဍဳင္ညးတအ္ လီုအာ ၐါလၛီသှာံျပင္တုဲ ကေလင္ပၱန္ကၜဳင္ ကဿိန္ဍဳင္တဿိမာန္မံင္ဏီရ။ ပႜဲဂၜးတိေခတ္ဏအ္ ကဿိန္ဍဳင္တဿိတအ္ မံက္ကၜဳင္မံင္ မဲြတုဲမဲြ ဂြံဆႝုမံင္ရ။ မဲြတၛဲ ဒးစုိပ္အလန္မန္ပ႙ုေရာင္။ လၸေအာန္မံင္စိုတ္၊ လၸအိုတ္မံင္ကသပ္၊ ေကာံခ်ပ္ဂစာန္ ေကၜာန္အာည႘ည႘သာသာမၢး ဍဳင္မန္ ဒးမံက္ဗြဲစဿတ္ေရာင္။ ခ်ပ္ပေရင္ဍဳင္မန္ လၛတ္ရံင္ပႜဲဝင္မၢး ဂကူမန္ပ႙ုပၱန္ကၜဳင္လဝ္ကဿိန္ဍဳင္ သၸကၜဳင္လဝ္ ဌာန္ဒတန္ဨကရာဇ္ (ရာဇဌာန႘) ႏံြ (၅) ဒှာဲရ။ လၸၚဗဿံက္ေတံမၢး ဍဳင္ဒြါရဝတ႘၊ ဍဳင္ဟရိဘုၪၨ၊ လၸၚပလိုတ္ဏအ္မၢး ဍဳင္သုဝဏၰဘုမိၼ၊ ဍဳင္ဟံသာဝတ႘၊ ဍဳင္မုတၱမတအ္ မဒွ္ရ။ လဿိဟ္ဏအ္ဂွ္ ဍဳင္သဿဝ္တဲေဍာတ္တ္ဟြံေတာ္၊ ေတဿာ္ထၞးလဝ္ ဍဳင္ေဇှာ္ျပာကတ္တအ္သဿးေရာင္။ အပႜဲကႝုဍဳင္ေဇှာ္ဂမၜဳိင္တအ္ဂွ္ ဍဳင္ဟံသာဝတ႘ဝြံ ဒွ္ကၜဳင္ဍဳင္ရာဇဌာန႘ ဂၜဳိင္ကႝုအဆက္ေရာင္။ ပႜဲသကၠရာဇ္သာသနာ (၁၁၁၆) ဂိတုမာ္မဲြေစြက္၊ သကၠရာဇ္ခေရတ္ (၅၇၃) ဂွ္ သမလ၊ ဝိမလ ေကာေဒံၐါ သီုဗႝုလဗးျပဝါညးတအ္ စပၱန္ကၜဳင္ဍဳင္ဝြံရ။ သဿိင္မန္မဲြတုဲမဲြ အုပ္ဓုပ္ကၜဳင္ေပင္ (၁၇) ဒေတာဝ္ လက္ထက္ သဿိင္တိႆ ပႜဲသကၠရာဇ္ခေရတ္ (၁၀၄၇) သဿိင္ဗမာအနဝ္ရထာ ကၜဳင္ဗၱဳိက္တုဲ ဒးလီုအာရ။ ပႜဲသကၠရာဇ္ခေရတ္ (၁၃၆၉) ဂွ္ သဿိင္မန္ဗညာဥဴ ဆုဲျပံင္ကၜဳင္ ႏူဍဳင္မုတၱမ ကေလင္သၸကၜဳင္ ဍဳင္ရာဇဌာန႘ ဟံသာဝတ႘ပၜန္ရ။ ညးတုဲ ေကာန္ညးရာဇာဓိရာဇ္ ဒွ္ကၜဳင္သဿိင္မန္၊ ပႜဲေပင္ (၁၁) အဆက္ လက္ထက္သဿိင္မန္ တၜညးဒကာရတ္ပိ ပႜဲသကၠရာဇ္ခေရတ္ (၁၅၃၈) ဂွ္ သဿိင္ဗမာ တေဗန္ယႈ႙ထ႘ ကၜဳင္ဗၱဳိက္သီဂြံဏာရ။ သှာံ (၁၅၅၀) ဂွ္ ညးစဍဳင္သတိုင္ သဿိင္ေစာေထာတ္ လီဂစိုတ္ေထာံ တေဗန္ယႈ႙ထ႘တုဲ တိုန္သၸသဿိင္မန္ ပႜဲဍဳင္ဟံသာဝတ႘ပၜန္။ ျခာဟြံလအ္ ညးမဒွ္ဒေတာဝ္ေတှာဝ္သဿိင္မန္ ေကၜာန္မံင္ပၜန္ဂတး ဒစႝုဒစးမံင္သဿိင္ဗမာ သဿိင္ဓဝ္ရာမ ဂစိုတ္ေထာံ သဿိင္ေစာေထာတ္တုဲ တိုန္နန္အုပ္ဓုပ္ကၜဳင္ ဍဳင္ဟံသာဝတ႘ပၜန္။ လအ္ဂြံၐိုတ္မဲြသှာံျပင္င္ သဿိင္ဗမာ ဗေရအ္နံင္ ကၜဳင္ဗၱဳိက္သီဂြံဏာ ပႜဲသှာံ (၁၅၅၂) ဂွ္တုဲ ဍဳင္ဟံသာဝတ႘ စိုပ္အာသဿဝ္တဲဗမာတအ္ပၜန္ရ။ သကၠရာဇ္ခေရတ္ (၁၇၄၀) ဂွ္ သဿိင္ေသံေကာဲ (ေကာ္) ဗုဒၶေကသ႘ မှိဟ္ရာံႏူခမ႘ သၸကႜဳိပ္ ပၚတိတ္ ႏူပေရင္အုပ္ဓုပ္ သဿိင္ဗမာတုဲ  ပၱန္ကၜဳင္ဍဳင္မန္ ဂဇအ္ကၜဳင္နန္ ပႜဲဍဳင္ဟံသာဝတ႘ပၜန္။ ညးတိုန္ဂြံနန္ ေပင္ (၆) သှာံဂွ္ ခံါသ႘ညး သီေကတ္အဝႝု ထေဍင္ေထာံညးရ။ ခံါသ႘ညးဂွ္ သၸဂြံသဿိင္ ေပင္ (၁၇) တၛဲတုဲ သၠဳိပ္ပှာန္ဗညာဒလ ေဖ်ံေထာံညး တိုန္သၸသဿိင္ရ။ သဿိင္မန္ဗညာဒလ ပေလဝ္ပေလတ္မံင္ျဇဟတ္၊ ဒက္ပခိုင္မံင္ ကဿာင္ဍဳင္ဂွ္ သဿိင္ဗမာ မိင္ဒး ညးဒွ္ဂဝိင္ ေဖက္ဍဳင္မန္ ဗိုန္ခိုင္အာတုဲ ဇက္ပှာန္ ကၜဳင္ဗၱဳိက္ဍဳင္မန္ရ။ မန္တအ္ေလဝ္ ပေကာံျဇဟတ္တုဲ ဒုင္ဗၱဳိက္၊ ႏူဂွ္ဗက္ဗၱဳိက္တိုန္အာ သီဂြံဍဳင္အင္ဝရ။ သဿိင္ဗမာ ႏူဍဳင္ယႈ႙ဗႝု ပေကာံျဇဟတ္ဂကူဗမာ ေကုာံ ဂကူ တှဟ္ဟ္ဗြဲမဂၜဳိင္တုဲ ကၜဳင္ဗၱဳိက္ဍဳင္မန္ပၜန္။ ပႜဲသကၠရာဇ္ခေရတ္ (၁၇၅၇)၊ သကၠရာဇ္ဍဳင္ (၁၁၁၉) ဂိတု ပသာ္ (၈) ေစြက္ဂွ္ ဍဳင္မန္ဟံသာဝတ႘ ဒးလီုလာ္၊ တိဍာ္မန္ပ႙ု စိုပ္အာသဿဝ္တဲဗမာတအ္ရ။ ရံင္ေကတ္ဒဒွ္လၱဴဝင္ဏအ္မၢး ဍဳင္ဟံသာဝတ႘ဂွ္ ဒွ္ကၜဳင္ဍဳင္ေဇှာ္ သဿိင္မန္ဂဇအ္နန္ (ရာဇဌာန႘) (၄) အဆက္ေရာင္။ ၐိုန္ဂွ္ေလဝ္ လက္ထက္သဿိင္ေစာေထာတ္ကႝု သဿိင္ဓဝ္ရာမတအ္ ဂြံဂဇအ္နန္ဂွ္ ေဂၜံေလာန္အာ ႏံြၐိုတ္ၐါသှာံျပင္ဓဝ္တုဲ မှိဟ္ဂမၜဳိင္ဟြံေတာ္၊ ႐ုိဟ္စမံင္ ဍဳင္ဟံသာဝတ႘ ႏံြပိအဆက္သဿးေရာင္။ အခိင္မန္က်ပှာန္ ဍဳင္ဟံသာဝတ႘ စိုပ္အာသဿဝ္တဲဗမာ လက္ထက္အနဝ္ရထာ၊ တေဗန္ယႈ႙ထ႘၊ ဗေရအ္နံင္တအ္ဂွ္ ညးတအ္ ဟြံပလီုပလာ္ ဟြံဂစိုတ္ကလက္ ဂကူမန္ လဿိဟ္ဂၜဳိင္င္ရ။ အခိင္အံင္ေဇယ် ဗတိုက္ဇှးအာ ဍဳင္ဟံသာဝတ႘ ပႜဲသှာံခေရတ္ (၁၇၅၇) ဏအ္ဂွ္ ဖန္ဗီုသဿိင္ကၜာကၜာေတံ ဟြံေသင္။ တိဍာ္ဍဳင္မန္ ႏံြကႝုငၛဳဟ္မးဂွ္ ညံင္ညးတအ္ ဂြံပိုင္ၿပ႘အာ လဿိဳန္ထာဝရမာန္ ရန္သာ္ဂွ္ကီု၊ မန္တအ္ တိုန္ဗၱဳိက္သီဂြံ ဍဳင္အင္ဝဂွ္ စိုတ္ဂိေထဲေပှာတ္မံင္ကီုတုဲ ဂစိုတ္ကလက္ကၜဳင္ ဂကူမန္ နဲဓဇန္ဓဇန္ရ။ မန္ႏံြပႜဲဍဳင္ဟံသာဝတ႘ မှိဟ္ၾတံဳ၊ မှိဟ္ၿဗဵ၊ ခမ႘သင္၊ ေကာန္ငၛာ္ ၐိုတ္ဆႝုဂွ္ ဂစိုတ္ေထာံရ။ ပဲါႏူဂွ္ ဗက္ရပ္ ပႜဲကြာန္ပႜဲရး အၾကာၿဂိဳပ္ အၾကာဝါ ႀကိဳင္စုတ္ ပႜဲစာတ္တုဲ စံင္ဂစိုတ္ေထာံဂွ္ ႏြံ (၉) စာတ္ရ။ ဒှာဲလၛဳႝ ႀကိဳင္စြံ ပႜဲသဿန္ၐ႘တုဲ ကႝုဍာ္ဒ႘တံင္ၿဂဲဏာဂွ္ေလဝ္ ႏံြဂၜဳိင္ကႝုဒှာဲရ။ မန္ဇေရင္ဍဳင္ဟံသာဝတ႘တအ္ ညံင္ဂြံအိုတ္ ဂစိုတ္ကလက္ဂကူတုဲ သီေကတ္လဝ္တိဍာ္ ဍဳင္မန္ပ႙ုေရာင္။ ပေရင္ဏအ္ မိက္ဂြံတီ ဗြဲၾတးမၢး ဂၜာဲဗွ္ရံင္ လိက္က်ာ္ေဇှာ္အာစာေစြာံကုႝ လိက္အာစာကဝိ မာံေတာအ္တအ္ညိ။ စႏူအခိင္ဂွ္တုဲ မန္ဇေရင္ဟံသာဝတ႘တအ္ ၐိုတ္ေသွ္ ေကုာံ မန္ေဒသမုတၱမတအ္ဂွ္ ဒဵလုပ္အာ ဍဳင္ေသံဂၜိဳင္ကႝုဝါရ။ မန္ရးဖာသီ ေကုာံမန္ဗြိဳင္လၢဳင္တအ္ဂွ္ ဒွ္အာဍိက္ဗမာတုဲ ညံင္လမ်ဳီဂြံဂ်ဳိင္ ဗီုညးဖန္ဂွ္ ဒးေဒၢတ္ဗက္ရ။ ဗမာတအ္ သီဂြံဍဳင္မန္တုဲ သၛိကၜတ္နန္ထဝ္တအ္ဂွ္ စံင္၊ ကဿာင္ဍဳင္ကဿာင္နန္တအ္ဂွ္ ပလီု၊ လိက္တဿအ္တအ္ဂွ္ တက္ေသၜက္၊ ကေပါတ္လုပ္ဝင္ အာဲကဿာဲမန္တအ္ ညံင္ဂြံအိုတ္ ပလီုပလာ္ကၜဳင္ရ။ သီ၊ ဘုတ္၊ က်ာ္ေစတ႘တအ္ဂွ္ ေဖက္ဒးအပါယ္တုဲ ဟြံဒွ္ပလီု ဂြံေသွ္ၐက္ကၜဳင္မံင္ေရာင္။ လိက္မန္သၜ႐ုိတ္သၜတာ ခ်ဴေကွ္လဝ္ ပေရင္နာနာ ဒွ္ဖႝုဂုဏ္မာန္တအ္ဂွ္ ကႝုခ်ဴကၜာဲေကတ္ ဗတ္ဗမာတုဲ လိက္ဘာသာမန္ဂွ္ စံင္ပလီုေထာံ ဖအိုတ္ရ။ တၜပညာ အာစာကၜာဲလိက္ ခှံလိက္ဂကူမန္တအ္ဂွ္ ဂစိုတ္ေထာံပၜန္တုဲ လိက္မန္ဂွ္ ဟြံကႝုအေခါင္ ေဗၱာန္ ဒှာတာေထာံရ။ ပႜဲဍဳင္ကြာန္ဌာန္မန္ဂွ္ ခါန္ကှက္စုတ္ ညးအုပ္ဓုပ္ ဂကူဗမာ၊ ပၜဳပ္နင္ဂကူဗမာ ေကာန္ပှာန္ဗမာတုဲ သီုဂရတ္သီုဘ ကႝုေဗၱာန္လိက္ဗမာ ကႝုဟီုအေရဝ္ဗမာ သဿတ္ဝုတ္တအ္ ကႝုထပ္တဲကုႝ ေကာန္ပှာန္ဗမာတုဲ မန္ညံင္ဂြံကၜက္ ဖန္က္ကၜဳင္နာနာ ဍာ္ဇမၜိင္ရ။ ဟိုတ္ဂွ္တုဲ မန္ဖာသီ မန္လၢဳင္ မန္ဟံသာဝတ႘ အဆက္ေၾတံတအ္ ဒးေကၜံကၜက္အာအိုတ္ေရာင္။ ဂကူမန္ ဒပ္ပှာန္မန္ ဒဵစိုပ္အာ ဍဳင္ေသံတအ္ဂွ္ ေသံတအ္ ဒုင္တဲခိုဟ္ဟ္ ေဖ်ံကႝုလဝ္ ဒှာဲဒတန္ ဖန္ကႝုလဝ္ကဆံင္တုဲ ညံင္ဂြံပံင္ေတာဲကုႝေသံ သြက္ဂြံစႝုဒှာဘဲဗမာတအ္ရ။ ႀကဵဏအ္ ပှာန္ေအဂၤလိက္တအ္ သီဂြံအာဍဳင္မန္ဗမာတုဲ ဟြံဒးဂြိင္ကုႝ ဘဲပှာန္ဗမာရ။ ျပင္ေသတ္တအ္ဂွ္ သီဂြံလဝ္ ဍဳင္ဗ႘ေယတ္နာံ၊ ဍဳင္ကာမ္ဗူခ်ာတအ္ရ။ ျပင္ေသတ္ကုႝ ေအဂၤလိက္တအ္ဂွ္ ညံင္ဟြံဂြံဒွ္သှ ဍဳင္ေသံဂွ္ သၸလဝ္တိအၾကာ ဍဳင္ဗၜးၐးမဲြရ။ ေသံတအ္ဂွ္ အခါဝြံ ဟြံဒးဂြိင္ကႝုသှတုဲ ဟြံသၸကၜဳင္ဂ႐ု လၱဴဂကူမန္တအ္ရ။ စႏူဂွ္တုဲ သင္မန္တအ္ သွ္လိက္ဗတ္မန္ကီု၊ ပေရင္ေဗၱာန္လိက္မန္ ပႜဲဍဳင္ကြာန္ကီု ကဿာတ္လဒႝု စႝုဒှာကၜဳင္ရ။ ပႜဲဘာေဗၱာန္လိက္ေသံ ေကာန္ငၛာ္မန္တအ္ ဟီုမံင္အေရဝ္မန္ ပႜဲဘာဂွ္ေလဝ္ ကဿာတ္ဒှာကၜဳင္ရ။ ဇဿာပ္ဍဳင္ဇဿာပ္ကြာန္ဂွ္ ေကၜာန္ဗဒွ္ကႝု ဂၜံင္ဍာန္၊ ပံက္ကႝုဘာ ကႝုေဗၱာန္လိက္ေသံရ။ ဟိုတ္ႏူသၸကၜဳင္သာ္ဂွ္တုဲ ေလာန္ကၜဳင္ ၐိုတ္ (၇၀) သှာံျပင္ေတံ ဍဳင္ကြာန္မန္ဂမၜဳိင္ ပူဗိုင္မံင္ ဍဳင္ၐံင္ကံက္ဂွ္ အခိင္တၛဲဏအ္ မှိဟ္အာယုက္ေဇှာ္လၛဳႝလၛဳႝေဟင္ ဟီုအေရဝ္မန္ ေလပ္တုဲ မှိဟ္ေဍာတ္တ္တအ္ဂွ္ ဟြံေလပ္အေရဝ္မန္ ဒွ္အာေကာန္ဂကူေသံအိုတ္ရ။ အပႜဲဍဳင္ပ႙ု အလႝုအသ႘ ဂကူဗမာ ညးမဂြံကၜဳင္အဝႝု အပႜဲေခတ္ႀကဵဏအ္ အဆက္ဆက္တအ္ဂွ္ နဲနာနာသာ္ ကဿာတ္လဒႝုကၜဳင္ အေခါင္ပ႙ု ငၛိတ္ကလက္ကၜဳင္ ဂကူပ႙ုပၜန္ရ။ ဂကူမန္ပ႙ု ဒုင္ဟြံမာန္ ရပ္လြဟ္ပၜန္ဂတး ျဇဟတ္ဒစႝုဒစး ေဇှာ္ကၜဳင္တုဲေဟင္ သြက္ဂြံလီဠာန္ေလွအ္လွန္ ပၱန္ဗဒွ္ကႝု တြႝဳရးဍဳင္မန္ေရာင္။ ၐိုန္ဂွ္ေလဝ္ ဆၐိုတ္ဒုင္ယဿဳေဟင္တုဲ ပေရင္ေဗၱာန္လိက္မန္၊ အေရဝ္မန္ ဂြံစကာ ပႜဲ႐ုင္မာန္တအ္ဂွ္ ကဿာတ္ဒှာကၜဳင္မံင္ လဿိဳန္ရ။ ပြဏအ္ဝြံ ရန္တဿအ္ၾကက္ေဍံ သြက္ဂြံကလက္ဂကူမန္ေဟင္ေရာင္။ အလႝုအသ႘မံက္ကၜဳင္ လႀကဵေပဲါ႐ုဲမာဲ (၂၀၁၀) ဏအ္ဝြံ ပံက္ကၜဳင္ ကၜတ္ထဝ္တြႝဳရးဍဳင္မန္၊ ခှံကႝုအလႝုအသ႘ တြႝဳရးဍဳင္မန္ ႏံြကၜဳင္ရ။ ဆဂး မှိဟ္ညးတအ္သဿးေဟင္ ေကတ္လဝ္ဒှာဲ ရပ္လဝ္အဝႝုတုဲ ရန္တဿအ္ၾကက္ သြက္ဂြံငၛိတ္ကလက္ ဂကူမန္ ေကုာံ ေကာန္ဍဳင္အရင္ ဂကူတှဟ္ဟ္တအ္ဂွ္ ညးတအ္ေဒံါဇူေထာံ ဟြံေသင္။ ပေရင္ေဗၱာန္ုလိက္မန္၊ အေရဝ္မန္ ဂြံစကာအၾကာ႐ုင္ အၾကာသဿိင္ လုပ္ေသှာဝ္ဂွ္ ဟြံကႝုရ။ စပ္ကႝုေယန္သှာင္သုခုမ ပေရင္ေလွ္၊ ဒေယွ္၊ တိင္တိုက္ အခိုက္ကှာမန္ဂွ္ေလဝ္ ညးတအ္ ဟြံကႝုျဇဟတ္ ဗ်တ္ေျဂာပ္လဝ္ဖိုဟ္ရ။ အဆက္ေၾတံ ေဖ်ံကၜဳင္ဒပ္ပှာန္ ဖန္ပၜဳပ္နင္ ရဲကြာန္ဂကူဗမာတအ္ ဗဲြမဂၜဳိင္တုဲ ဖုဲသှဵစုတ္ အၾကာဂကူမန္ ညံင္ဂြံအုပ္ဓလီု ငၛိတ္ကလက္အာ ဂကူမန္တအ္ရ။ အလႝုအသ႘ဝြံ အလႝုအသ႘ပှာန္ သၸမာန္ကႝုျဇ ဟတ္ သီုဂလုမတ္လီဠာန္တုဲ အဝႝုညံင္ဂြံႏံြ ပႜဲဒပ္ပှာန္ ဖန္ေကၜာန္ကၜဳင္မံင္ အဆက္က္ေရာင္။ (၁၉၉၀) ေတံ ေကၜာန္ကႝုေပဲါ႐ုဲမာဲဂွ္ ရဲညးတအ္ က်အာတုဲ ဟြံအပ္ကႝုအဝႝု။ ႏူဂွ္ ေကၜာန္သဘင္သ႘ကၜ႘ ေကာန္ဂကူပၜန္ မှိဟ္ညးတအ္ေဟင္ ညးတအ္ေကာ္၊ ေသှာဝ္ညးတအ္ ဒးစိုတ္ေဟင္ ညးေဖ်ံရ။ ေသှာဝ္ဥပေဒသဇိုင္ (၂၀၀၈) ဂွ္ေလဝ္ ဗီုညးတအ္ဒးစိုတ္ ညးတအ္ခ်ဴတုဲ သၸကၜဳင္ဒတန္ နဲအလီရ။ ေကၜာန္ေပဲါ႐ုဲမာဲ (၂၀၁၀) ဏအ္ေလဝ္ ဘပလ လီဠာန္ ညံင္ဂြံမာန္ ေကၜာန္သၸကၜဳင္ရ။ တၛဲဏအ္ ဗႝုပှာန္ညးတအ္ေဟင္ ၐးကယ်ဳိင္အရာပ္တုဲ ေကတ္လဝ္ဒှာဲ ရပ္လဝ္အဝႝုဖအိုတ္ရ။ ၐိုတ္ရံင္ေက်ဝ္ေဟင္ ညးစှးေဗာ္ေကာန္ဂကူ၊ ေဗာ္တှဟ္ဟ္တအ္ ဂြံပါလုပ္မံင္ေရာင္။ မှိဟ္ေလဝ္ ဟြံၿပံင္ ေသှာဝ္ေလဝ္ ဟြံၿပံင္တုဲ ဂၜံင္တရဵငၛိတ္ကလက္ ဂကူေကာန္ဍဳင္အရင္တအ္ဂွ္ ၿပံင္သၜာဲအာ ဟြံေသင္ရ။ ဟိုတ္ဂွ္တုဲ အေခါင္အရာ သြက္ေကာန္ဂကူမန္ ညးတအ္ကႝုကၜဳင္မာန္ေရာင္ဂွ္ လၸစဿ႘ညိ။ ယြံ ေကာန္ဂကူမန္တအ္ စိုပ္ကၜဳင္တၛဲဍဳင္မန္ ဟံသာဝတ႘လီုရ။ ဗီုေကာန္ဂကူမန္ပ႙ု ဒွ္ကၜဳင္ဒဒိုက္ ဒးဗၜဳိက္တှီကၜဳင္ ဒႝုတၛဲဏအ္ဂွ္ ကေလင္ခ်ပ္ဗစာညိ။ အခိင္မန္တအ္ ႏံြကႝုဍဳင္ စရာဲက်ာ္ႀသ႘မန္တအ္သၜဳင္၊ အခါဍဳင္မန္လီု ဗီုညးဖန္ဒးဒုင္၊ အေရဝ္ ေယန္သှာင္ လိက္ပတ္ ဇတ္ကွ္ေစွ္မံင္ ႐ုိဟ္တဲၛေရာင္။ ဟိုတ္ဂွ္တုဲ ဇဿာပ္ဂကူမန္ ဍဳင္မန္ႏံြကႝုအဝႝု ညံင္ဂြံကေလင္မံက္ကၜဳင္ပၜန္ဂွ္ ဒွ္တာလ်ဳိင္ပ႙ု ပဿိက္ေဇှာ္အိုတ္ရ။